Nå kan det vera aktuelt å binde renta

Brev frå banken: Signala tyder på at eit av truleg fleire varsel om renteauke frå banken din er i kjømda. Det blir viktig å posisjonere seg slik at renteauken blir handterbar. Låsing av renta kan vera eit alternativ. Foto: Istock.


Med kanskje to prosent renteauke og 20.000 kroner i ekstra renteutgifter per million i gjeld i sikte, kan det vera ein ide å vurdera å redusera utgiftssmellen med å binde renta.


Sjur Håland


Styringsrenta frå Norges Bank er framleis på null prosent. Det rekordlåge nivået har også gitt utslag på lånerenta til norske landbrukskundar. Låg rente har bidrege til at det har vore mogleg å handtere den heftige kostnadsveksten i landbruket dei siste par åra.
Lite varer evig. Heller ikkje den rekordlåge renta. I mars kom signala frå Norges Bank om at styringsrenta vil bli sett opp i løpet av andre halvåret. Det er dårleg nytt, også for landbruket.
Ragnhild Helgheim er bransjeansvarleg landbruk i Sparebanken Sogn og Fjordane.


– Signala me har fått gjer at banken ut på hausten reknar med at renta vil byrja å stiga, seier ho.