Best med to lam per søye

Premiering for to lam: Det er moro med mange levandefødde lam når alt går fint, men næringa må gå saman for å redusera lammetalet, og bønder med to lam i snitt må premierast i form av betre betaling, meiner veterinær Oddfrid Vange Bergfjord.


Tre, fire, fem lam? Nei, takk! Eitt lam til kvar spene sparar både søya og bonden for bry og slitasje.


Oddfrid Vange Bergfjord, privatpraktiserande dyrlege i Sogndal og Luster, og frilansjournalist for Buskap


Søyene har som me alle veit to spenar, men det er vorte meir og meir vanleg at dei ber fram både tre, fire og kanskje endå fleire lam. I takt med at talet på avkom aukar, krevst det både høgare arbeidsinnsats og meir bruk av tilleggsnæring i form av mjølkeerstatning og kraftfôr. Søyene vert meir utsett for sjukdom og det vert meir slitasje på mordyra.