Gjennomtenkt bruk av husdyrgjødsla

Beiter framleis: Olav Haugetveit reparerer gjerde så mjølkekyrne kan beite på raigras og rug. Beitet veks enno midt i oktober


Olav Haugetveit sine investeringar har gjeve gode økonomiske og miljømessige løysingar.


Knut Sigurd Haugå, NLR Agder


Olav Haugetveit overtok eigedomen Haugetveit i Bygland i 2016. Nytt fjøs var ferdig og tatt i bruk i 2017. Det er mjølk som er hovudproduksjonen. I 2021 vert det produsert omtrent 350.000 liter mjølk hjå Olav og ektefelle Tone. Dei to har nydyrka omtrent 60 daa dei siste åra, der husdyrgjødsla er verdfull for å betre jordstruktur, auke nærings- og over tid moldinnhald.


Likevel er gjødselproduksjonen så stor at det var nødvendig å finne løysingar for å bruke gjødsla på leigejord eit stykke unna garden, og få meir optimal utnytting av den. Årleg gjødselproduksjon er om lag 1600 m3.