Mjølkefeber hjå sau

Typiske symptom på mjølkefeber: Sauene ligg, dei er kalde og tydeleg sløve.


Hypokalsemi, kalkmangel eller mjølkefeber, er ein vanleg sjukdom i norsk sauehald. Mange har opplevd å ha sauer som treng behandling for dette. Mange har også mista sauer med denne diagnosen.


Hildegunn Mugås, dyrlege ved Hestavangen Dyreklinikk på Voss, og sauebonde


Kyr og sau får begge mjølkefeber. Årsaka er ein relativ mangel på kalsium i blodbana til dyret. Skjelettet utgjer eit stort reservoar av kalsium, men når kroppen ikkje rekk å mobilisere og inntaket gjennom fôret vert for lite, oppstår det mangel. Dette er felles, men årsakene er ofte ulike hjå dei to dyreslaga.