Går for bondeyrket: Rasmus Ravndal Hetland t.v., saman med broren, Torjus Hetland, og sambuaren til Torjus, Celine Byberg. Dei to brørne har satsa friskt på kvar sin gard i Søredalen. Torjus går for storfe, medan Rasmus har gris og sau på sin gard.

Brør blei nabobønder i Søredalen

Driftsplanane som dei ferske bøndene la til grunn då dei kjøpte kvar sin gard, er lite verd som følgje av kostnadsauken. Men satsinga på bondeyrket angrar verken Torjus eller broren, Rasmus, på.


Sjur Håland


Julesnøen let venta på seg i Søredalen i Sandnes. Eit kvitt lag med rim på kjelver og beite er ikkje så verst erstatning. Barfrost er dessutan godt for jordstrukturen.


– Me hadde sju minus i natt, seier Rasmus Ravndal Hetland, og kikkar ut over jordene.