Praktisk omlegging til SPF

Trivsleg gris: Sanering og overgang til helsegris viser att i betre tilvekst og redusert fôrforbruk - og friskare gris. Foto: Sjur Håland


Omlegging til SPF treng ikkje plent skje ved nybygg eller etter ei alvorleg hending. Du kan også vaske deg over frå Helsegris til SPF, og få ein friskare gris med høgare tilvekst og lågare fôrforbruk.


Tone Runhild Skadsem,
privatpraktiserande veterinær ved Tu veterinærkontor og rådgjevar i Fiskå Mølle.


Satsinga på SPF held fram. Mange er i gang med omlegging og det er ein spanande prosess. Når SPF går godt, så er det utruleg kjekt å drive med gris.

Årsaker til omlegging

Dei fleste overgangar frå helsegris til SPF skjer i dag som ein konsekvens av ein krevjande helsesituasjon i besetninga over tid. Når verken management eller vaksiner løyser utfordringar er ofte total sanering einaste løysing. Likevel er det nokon som legger om frivillig, utan at dei har særskilte utfordringar, men berre for å oppnå ein endå friskare gris med betre tilvekst og lågare fôrforbruk.