Tørken krev nye fôringsråd

– Vi skal komme oss ut av dette uføret, men då må vi tenke alternativt og fôre annleis enn vi er vane med, seier Harald Volden.


Liv Kristin Sola


Fôrsituasjonen er for mange svært alvorleg, men Harald Volden, fag- og systemsjef ved Tine rådgiving og professor ved NMBU, ber bøndene bruke tid og krefter på å finne løysingar og ikkje bli råka av panikk.
Etablerte fôringsråd om å produsere mest muleg mjølk og kjøt på eigeprodusert fôr, må setjast til side. Spørsmålet no er kor lite grovfôr ein kan klare seg med utan at det går ut over produksjon, dyrehelse og dyrevelferd.