Har du kvigeangst?

God økonomi med gamle kyr: Med ein god plan og god drift kan du spisse avlen og doble levetida på dei beste mjølkekyrne, auke kjøtproduksjonen på dei svakast og nærast halvere tal kviger til påsett. Det vil garantert gi meir pengar i lommeboka. F.v.: Bøhlin med ni laktasjonar, Gorvi med åtte og Fagra med ni. Illustrasjonsfoto


– Den store sløsinga i norsk mjølkeproduksjon er overproduksjon av kviger, seier avlsrådgivar Lars Byberg Timpelen.


Liv Kristin Sola


To av landets fremste avlsrådgivarar, Lars Byberg Timpelen og Svein Egil Skartveit, var nyleg å høyre på teams, i regi av Tine Rådgiving. På menyen stod blant anna avlsstrategi og val av driftstopplegg. Målet er auka lønsemd for bonden gjennom betre utnytting av fjøs og buskap. Og potensialet er stort, skal me tru rådgivarane. Mjølkebonden har aldri hatt så mange moglegheiter som no, men vel framleis heilt tradisjonelt.