Det du treng å vita om mjølkefeber hjå storfe

Når føtene ikkje vil bera: Kyr med mjølkefeber behandla ute på beite. Foto: Bjørn Helge Brunborg


Når kyra ikkje vil reise seg er gode råd dyre. Dyrlegen må til gards, så raskt som råd. Heldigvis finst tiltak for å redusere risikoen for at kyra vert liggande med mjølkefeber.


Hildegunn Mugås,
dyrlege ved Hestavangen Dyreklinikk på Voss, og sauebonde.


Mjølkefeber er ein av dei vanlegaste sjukdommane hjå kyr i Noreg. Dei fleste storfebønder veit kva det handlar om. Sjukdommen er også ei vanleg årsak til tap og utrangering av elles gode kyr. Å redusere tilfella av mjølkefeber er viktig for både dyrevelferda, matproduksjonen, og bonden sin økonomi.