Der sau frå Jæren Smalalag tidlegare blei møtt av bygdesauen når dei trakk ned i lågheia, møter dei i dag berre tomme område. For heiasjefane betyr det stadig fleire dagsverk på sanking i område kor dei ikkje har beiteavtale. No freistar Statsforvaltaren med støtte.
Unni og Magne Henry Grude har bygd nytt sauehus og oksefjøs til neste generasjon på bruket.
– Fôrar du søyene rett, blir det lett å oppnå god slaktevekt på lamma. Me har tipsa du treng, seier programleiar Ingvild Steinnes Luteberget.
Leiaren i Time Sau og Geit, Elin Fuglestad, gir seg ikkje ende over om statistikken peikar mot langt færre sauebønder i kommunen hennar. – Eg er positiv. At nokre vil falla i frå, må me nok akseptera. Men eg trur ikkje så mange som statistikken syner kjem til å slutta, seier ho.
Lamming og kalving er ei påkjenning. At kyr og søyer også kan få bekkenløysing er mindre kjent, men ikkje mindre smertefullt for dei som vert råka.
